فرحت من كلام المسئول و حطيت رجل على رجل وراسا صدكته وتفائلت وكلت بيها الخير ..وفي هذه اللحظات اجتني كروه تعبانه تدعوني لشراء المخضر لا ن اليوم الغده تبسي ..فتقدمت وانا ادردم و رفست الباب برجلي و خرجت من البيت و الحمد الله أبومحمد بائع الخضروات قريب مني فليس لدي استعداد لكي أذهب لمكان بعيد لكي لا انعلس…

الله يساعدك أبو محمد فرد أبو محمد المسكين و في يده باكيت جكاير سومر أسود ويساعدك أبو عمره تقدمت نحو الخضروات المترامية هنا و هناك و وتقدم باتجاهي أبو محمد حاملا علاكة …

ها عيني أبو عمره شتريد فقالت له يابا أريدأشتري خضرا و دهن علمود التبسي

فرد أبو محمد أي خير من الله كل شيء موجود …

زين نص كيلو من كل شيء ..و بدأ أبو محمد بمليء كيس التوميتا و قال هاي توميتا من سوريا و بعدها وضع لي نص كيلو بوتيتا و قال و هاي بوتيتا من أكدع ناس و بعدها جاء دور وحش الطاوا و صديق العراقيين البيتنجان فوضع لي حبتين كل واحدة أبكد القنبلة فقالت له البيتنجان من وين فرد أبو محمد عمي من جماعتنا الزلامات و يقصد بها الأردن..و أخيرا جاء دورالبصل فشعرت بالفرح لأن البصل سوف يكون عراقي مابيها مجال فقالت لأبو محمد أكيد البصل من أهنا فرد أبو محمد لا وداعتك هذا البصل من إيران زين رحمه الوالديك فد علبة دهن و يا ريت لو دهن عراقي حتى لو اكسباير حتى لو دهن بريك أي شي أي شي أي شي بس كون عراقي…فنظر أبو محمد و قال لي لا والله ما عندي غير الدهن التركي الي يطلع دعايته وراء الأخبار ….اووووف قلبي
….

شعرت بالحزن العميق فطبخة التبسي لن تكون عراقية هذه المره .

وكلت الحمدلله الخبز العراقي موجوود

.

.

.

فصااح ابو محمد عاليااااااااا

اكو عيش لبناني يخبل ويه التبسي

…..

..

يبوووووو هاي شطلعت